00:43 Толончилар |
(Биринчи қисм) Дўстназар Худойназар, Швеция. Бу воқеа ўз хаётимда бир вақтлар бўлганди. 1997 йилнинг август ойлари эди. Қаршида ҳаво ҳарорати 40-45 даража атрофида. Мен иссиқдан қочиб Тошкентга келдим ваш у ерда туриб ишларни бошқара бошладим. Қибрай пиво заводидан жўнатилган ичимликлар бир кунда сотиб бўлинганини эшитдим. Мен ўша куни яна пиво жўнатдим. Эртаси куни яна туш пайтида телефон қилиб қолишди, яна пиво тугаган экан. Ҳайрон бўлиб, сабабини сўрасам биздан бошқа ҳамма чойхоналар ва дўконлар ишламаётган, айримлари фақат тунлари яширинча фаолият олиб бораётганини айтишди. Қандайдир текшириш бораётган экан, кўплаб чойхона ва дўконлар маҳсулотларини солиқ назорати ходимлари олиб кўйган дейишди. Мен ҳайрон бўлдим, чунки Қаршидаги барча чойхоналарни ва дуконларни эгалари албатта МХХ, пракуратура, ҳокимият, ИИБ ва солиқ бошқармасини соябон қилиб ишлашарди. Мени таянчим эса Тошкентда эди. Юрагимга ғулғула тушди. Яна бир неча машина пивони устамасини бериб Қаршига шошилдим. Кечқурин машинада етиб келдим, аммо кечиккан эдим. Ҳамма омборлар муҳрланган, ҳар хил товарлар ҳужжатлаштирилиб, солиқ инспекциясига олиб кетилганди. Ярим тунда солиқ инспекцияси бошлиғини уйига бордим. У энди йиғилишдан қайтган экан. "Келинг!”, деб кутиб олди. "Тинчликми?”, десам, "Йўқ, тинчлик эмас, Бахтиёр дегани келган солиқ қумитасидан, беш кундан буён уйқу йўқ. Роса пул ишлаяпти. Вилоят солиқ бошқармаси билан бирга ҳаммани титкилаб чиқди. Оғзига келганини айтиб, пул оляпти. Мен тушунмай қолдим, ҳозир йиғилишда менга ҳам ариза ёзинг деди. Эртадан районларга чиқаркан”, деди. Мен эса кулиб: "Наҳотки ҳаммани ёпти?” десам, "Ҳа, ҳаммани ёпти, протоколларни ҳаммаси ўзини қўлида. Сизники ҳам уни қулида. Ҳеч ким аралаша олмаяпти, ҳатто катта ҳам дод деб юборди”, деди. Каттани (яъни вилоят ҳокимини) дод деганини эшитиб, мен нима қиларимни билмай қолдим. "Қўрқмасдан, оғзига сиққанини айтиб, дўконлардан канча товар олиб келинган бўлса шунча суммада пул оляпти. Биласиз ҳаммада камчилик бор, мен укаларимни ҳам ҳимоя қила олмай қолдим. "Пулини тўлаб, ўз товарларимизни сотиб олдик”, деса ишонгим келмади. "Қўйсангизчи, ахир мени кўкида олти мингдан ошик товаримни олган. Ундан қайтариб сотиб оламанми?” десам, "Шунақага ўхшайди”, деди. Мен ишониб ишонмай уйга қайтдим. Ўзимча бу ҳам пул ишлаб қолиш пайида деган фикр хаёлимдан кечди. Эртаси эрталаб Тошкентга телефон қилсам, ишонган таянчим йўқ эканлар. Ҳайрон бўлиб турдимда, тавакал килиб вилоят солиқ бошқармасига бордим. Бепул овқатланиб юрадиганлар ва бир оз тили қисиқларни ҳаммаси ваҳимада. Бундан ташқари казо казолар, пулдор тадбиркорлар ҳам шўпайиб турушибди. Бўлим бошлиқлари "Ҳа ака, қалайсиз, сиз ҳамми?” дейишади. "Ҳа”, десам, "Кечда келасиз, энди у районга кетган”, дейишди. Савдо бўлими бошлиғи ҳам у билан бирга Нишон туманига кетган экан. Йиғилган моллар бир дуконда экан. Олиб келинган товарларни ҳисоби йўқ. Дўкондор таниш эди. "Қандай қилиб қайтариб олиш мумкин?”, десам, "Бахтиёрдан ёзма рухсат керак”, деди. Мен кимлар молини қайтариб олгани билан қизиқдим. У «соат 18 дан сўнг ўзи келиб кимга рухсат берса шуникини қайтариб бераман, ҳамма ҳужжатлар уни қўлида”, деди. (Давоми бор) |
|
Всего комментариев: 2 | |
20.04.2020 в 03:15
BrandonSig написал:
https://kinogoo.cc/
02.02.2020 в 19:34
Manelelf написал:
Hp A Msr20 21 Routers Bedienungsanleitung http://cigmarket.eu/ | |