02:26 Урма сўкма, ёқасини йирт | |
Минг йиллар хаётий тажрибалар асосида миллатимизда ибратли мақолалар пайдо бўлган қисқагина уч тўрт жумла сўз билан бутун бир ҳаётнинг фожиасини изҳор қилиш мумкин. Деярли бир аср мобайнида СССР деб аталмиш ўтмиш бир давлатга бирлашган юздан ортиқ миллатларга ўзларини катта оға ҳисоблаб келган миллат бир думалаб бугун нега миллатпараст халққа айланиб қолди? Кеча Россияда муҳожир бўлган дўстим билан суҳбатлашар эканман дўстим «Эҳ, сенга нимасини айтиш мумкин? Мана кеча бизнинг йигитлар магазиндан ун сотиб олишса, ҳамма ерлик аҳоли қандайдир бошқача қараш қилиб сотувчи «Вы что, кушаете баланда?» дебти. Тўғри, бизлар улардек нонни магазиндан сотиб олмаймиз, ўзимиз уйда нон қиламиз.Бу ҳам етмагандек, полиция ходимлари кечадан бошлаб уйма уй юриб 2500 дан пул талаб қилмоқда» деди. Шунда мен беҳосдан ёшлигимда магазинда ишлаб юрганимда бўлган воқеалар тушди. Советлар даврида омбордан магазинга махсулот ёздирганингизда истайсизми, йўқми бизга ҳар хил виноларни қўшимча ёздириб беришарди. Одатда қишлоқларда бу винолар йиллаб сотилмасди ва магазинни умумий остаткасини кўтариб қўярди. Қишлоққа бирор рус миллати келиб қолса албатта унинг сотиб оладиган моли шу вино бўларди, буни кўрган қишлоқликлар уларга қизиқиб қарашарди. Ҳеч ким миллатчилик руҳида қарамасди. Чунки, бизга ҳукумат тепасида турганлар бу қарашга йўл қўйишмасди. Мана бугунки кунда Россия ҳукумати чиқарган қарорлар «Балиқ бошидан сасиганини» кўрсатмоқда. «Резиновий квартира»га қарши баҳонасида чиқарилган бу қарор ҳозирги кунда юз минглаб ўзбекларни оғир аҳволга солиб қўйди. Россия полицияси ходимларига эса муммай пул даромадига айланади. Ҳар участка полицияси ўз участкасидаги хонадонларда ким қаерда рўйхатдан зтмасдан яшашини яхши билишади шу сабабли ҳам янги йил байрамига пул ишлашни олдиндан бошлаб юбордилар. Россия президенти Путин 23 декабрда қўл қўйган конунда биринчи маротаба ўзи яшайдиган хонадонда рўйхатдан ўтмай яшаган муҳожир беш минг жарима тўлаши, иккинчи маротаба эса етти минг жарима тўлаши учунчи маротабада эса ўн йил мамлакатга кайтиб киргизмаслик жазоси берилади дейилган. Авваламбор ҳаммага маълумки муҳожир пешона тери билан топган пули билан Россия фуқароларини хонадонларида ижарада туриб уларга нафақат уй кирасини, балким уларнинг молиясини ҳам таъминлашар эди. Оврупада яшасамда, бугунги кунда Россия хукумати томонидан амалга оширалаётган бугунки кундаги сиёсат ўзбекни «Урма сўкма, ёқасини йирт» жумласида мужассамлашганини англамоқдаман. Дўст Назар, «Эски тегирмон» | |
|
Всего комментариев: 0 | |