Ака Дўстназарнинг сайти
-
(Биринчи қисм)
Дўстназар Худойназар, Швеция.
Бу воқеа ўз хаётимда бир вақтлар бўлганди.
1997 йилнинг август ойлари эди. Қаршида ҳаво ҳарорати 40-45 даража атрофида. Мен иссиқдан қочиб Тошкентга келдим ваш у ерда туриб ишларни бошқара бошладим. Қибрай пиво заводидан жўнатилган ичимликлар бир кунда сотиб бўлинганини эшитдим. Мен ўша куни яна пиво жўнатдим. Эртаси куни яна туш пайтида телефон қилиб қолишди, яна пиво тугаган экан. Ҳайрон бўлиб, сабабини сўрасам биздан бошқа ҳамма чойхоналар ва дўконлар ишламаётган, айримлари фақат тунлари яширинча фаолият олиб бораётганини айтишди. Қандайдир текшириш бораётган экан, кўплаб чойхона ва дўконлар маҳсулотларини солиқ назорати ходимлари олиб кўйган дейишди.
Мен ҳайрон бўлдим, чунки Қаршидаги барча чойхоналарни ва дуконларни эгалари албатта МХХ, пракуратура, ҳокимият, ИИБ ва солиқ бошқармасини соябон қилиб ишлашарди. Мени таянчим эса Тошкентда эди.
Юрагимга ғулғула тушди. Яна бир неча машина п... -
Ўзбекни дардини сен эшит, кўл дегим келади... Мана менга таниш кўл, у музлаганда ҳам келиб тунлари билан у билан суҳбатлашишга ҳаракат қилардим. Фақат дардимни у эшитиши мумкин эди, балким ундаги балиқлар ҳам тинглашгандир мени сўзларимни. Бугун эса у секин тулқинланиб, яна келдингми деб шивирлагандай бўлади. Мен эса Ўзбекни дардини сен эшит кўл, дегим келади... Сочимга оқ оралаб, соқолларим оқарган. Кўзимдан нур кетиб қолгандай... Буларни нечунлиги фақат Тангрига аёндур. Ё.Рабим сен билувчи, кўручи ва эшитгувчисан, наҳот бир миллатга шунча кулфат? Кеча ака деганлар бугун менга тиш қайрасалар, "Сизга ҳавасим келади ука, имконим бўлганида эди худи сиздай иш тутардим" деганлар бугун тескарисини гапириб турсалар, сабаби эса ўз фикримни очик айтганим бўлса ва уларга қўшилиб иғво ва туҳмат гуруҳига кирмаганим бўлса... Ўзбекни дардини сен эшит кўл, дегим келади... Эй биродарлар, кўзингиз очиқ инсонларсизку! Наҳотки кўрмайсиз ва эшитмайсиз! Ахир қўлингизга ўша "Ҳаракат" журналини олиб би... -
Оллох узини суйган бандалари хам чин дилдан Оллохни суиб унга доимий сидку дилдан сажда килган бандарига Эшон бобога берилган хислатлар билан мукофотлаши бугунки кунда маълум булган нарса.
Шунга карамасдан мени хозирги кунгача лол колдирган нарса Эшон бобони бирор маротаба мен ундай килаоламан ёки бундай килаоламан деганларини эшитмаганман.
Аммо бир хамкишлогимиз узи билан содир булган Эшонбобога боглик вокияни куидагича сузлаб берганди. Ёзнинг жазирама иссик кунларида бизни кишлогимизда сув муамоси буларди. Деярли барча хамкишлокларимизни уз полиз майдонлари бор эди. Биз ёшлар хам ёзда кишлогимизни кок уртасидан утиб пахта даласига борадиган арикка коровуллик килардик. Сув канчалик тансик булмасин пахта биригадири тунлари навбат билан кишлокдошларимизга полиз майдонига сув беришга рухсат берардилар. Аммо сабрсиз яни навбатсиз сувни угрилаб очиб кочувчилар хам учраб турарди.
Бригада бошлиги доимо шундай холларда бедапояга рухсат бермасдию аммо пол...
21:55 Талончилар | |
 (Учинчи қисм)Мен бу давлат қароқчиларига қарши уларнинг услубида курашишга аҳд қилгандим. Бу кураш адолатли кураш бўлишига ишончим комил эди. Бу ҳақда жуда кўп ўйладим, ўзимча турли режалар туздим. Охири бир тўхтамга келгач ўзимга яқин йигитлар билан ишга киришдик. Дастлаб Бахтиёр яшайдиган квартирани аниқлаб, иккита йигитимни уни уйини кузатишга қўйдим. Тасодифни қарангки у мени яқин бир танишимга қўшни бўлиб турган экан. Танишимдан баьзи бир маьлумотларни сўраб билдим. Янги қўшниси жуда ҳам очиқ табиатли киши экан. Хотини ҳам хуш муомала эмиш, яхшигина қўшничилик қилишаркан. Мен учун шуларнинг ўзи етарли эди. Кечгача вилоят солиқ бошқармаси савдо бўлими бошқарувчисини топиб гаплашдим. Уни айтишича Бахтиёр эртага тонг чоғи Тошкентга жўнаб кетар экан. "Мен уни машинада олиб бораман. Сиз ҳақингизда бир неча бор сўради. Мен Тошкентга кетганингизни айтганимда у кулиб қўйди” деди у. Мен Бахтиёрни қаерда овқатланишини сўрадим. Маълум бўлишича у хотинидан бошқа одамни овқатини емас экан, диетада экан. Тушунишимча у пулларини машинада олиб кетади, бу энг осон йўл. Кечга бориб тўрт йигитимни олиб, иккита видео камера билан у яшайдиган уйни олдида бориб турдим. Кечги соат 23 ларга у уйга келиб, машинадан тушди. Қўлида модадан қолган эски портфел бор эди. Уни олиб келган машина қайтиб кетгандан сунг беш дақиқа ўтгач биз ҳам подъезга кирдик. Иккинчи қаватга кўтарилганимизда у ижарада турган квартирани эшиги очилиб, бир аёл киши чикди ва мени танишим яшайдиган квартирани қўнғироғини босди. Мен пайтдан фойдаланиб йигитларга имо қилдим. Улар бу аёлни енгилгина итариб у чиққан квартирага олиб киришди. Ҳаммамиз тезда чопишиб квартирага кирдик. Ичкаридан эшикни қулфлаб олдик. Бахтиёр ваннада ювинаётган экан, мени кўриб қотиб қолди. Тасвирчимиз уй ичидаги барча нарсаларни, одамларни тартиб билан суратга ола бошлади. Йигитлардан бири телефонни узиб кўйди. Бахтиёр аввалига юқоридан келиб ваҳима билан гаплаша бошлади. Аёл эса йиғлаб бақирмоқчи бўлди. Йигитларимдан бири уни итариб хожатхонага тиқиб, унга яхшиликча жим бўлишини тушунтирган бўлди. Мен Бахтиёрни катта хонага таклиф қилдим. У мени қўрқитмоқчи бўлиб, оғзига келганини гапира бошлади. "Пуллар қаерда?” десам, "Пул йўқ”, деди. Мен сервант устида турган портфелни кўрсатиб, уни ичида нима борлигини сўрадим. Уни жавобини кутмасдан йигитларимдан бири портфелни ичидагини полга тўкди. Ундан пачкаланган сўмлар ва оз микдорда доллар тушди. Мен "Эҳа, Бахтиёрбой, бу нима?”, дедим. У жим бўлиб қолди. Олдиндан келишганимизга мувофиқ имо қилдим, ёнида шай турган йигитларимдан бири унинг ичига мушт урди. У ерга йиқилди. Бир оздан сўнг мен ўзим уни ердан кўтардим. Йигитимни эса буралаб сўкдим. "Меҳмонни ҳам урадими ахмок! Бу киши олийҳиммат, вилоятдаги ўғриларни қаматадиган Бахтиёрбой бўладиларку!» дедим. Бахтиёрни кўзлари ёниб менга қаради. Мен "Туринг меҳмон, бу йигитлардан ҳар бало кутса бўлади, хафа бўлманг! Булар ёмон одамлар, кейин ўзим гаплашаман булар билан...” дедим. У ўрнидан туриб креслога ўтирди, аммо уни олдинги шаштидан асар ҳам йўқ эди. У "Келинг, келишайлик Дўсти ака!” деди. Мен "Яхши, пулларни қолгани қани? Десам, Бахтиёр "Бошқа пул йўқ”, деди. "Бахтиёр, мени ахмоқ деб ўйламанг, нима қиласиз ўзингизга ва ҳожатхонадаги аёлга жабр қилиб!?”, дедим. Шундан сўнг унга баъзи нарсаларни эслатиб қўйишга қарор қилдим. "Бахтиёр! Мени Тошкентга бекорга бориб келган деб ўйлайсизми? Мен божангизни ҳам, мен ҳақимда сизга ким маьлумот берганини ҳам анави аёл хотинингиз эмаслигини ҳам, хотинингиз сизни эртага кутиб турганини ҳам биламан. Менга сизни пуларингиз керак эмас, ўзимга керагини оламан. Пулларни бир қисмини кимга беришингизни ҳам биламан. Мени бошқа иложим бўлмагани учун Аллоҳга таваккал қилдим”. Мен шундай деб ошхона томонга йўналдим: "Яхши, мен бу йигитларга ишонмайман. Булар яхши йигитлар эмас. Ўз қўлим билан сув ичиб олай, томоқ қақраб кетди. Бирор нарса қўшиб беришдан ҳам қайтишмайди, бу номардлар”. Бахтиёр ўйлаб туриб тилга кирди: "Тўхтанг, ана сизга пуллар, ҳаммасини олинг!” деди. Мен "Йўқ, мен сиз ишлаган пулларни кўрмоқчиман. Яхшиликча ўзингиз айтинг. Биз учун бу хонадан топиш қийин нарса эмас. Чунки, бундай бўлишини ўйламагансиз. Шунинг учун ҳам чуқур яширмагансиз”, дедим. У ўйлаб туриб "Пуллар кладофкада”, деди. Мен уларни ўзи кўрсатиши кераклигини айтдим. У камерани ўчириб қўйишимизни илтимос қилди, мен эса рад жавобини бердим. "Йўқ, камера ўчирилмайди” дедим қатъий, юқори оҳангда. Бахтиёр аранг ўрнидан туриб, кладофкада тайёр турган икки катта жомадонни кўрсатди. Уларни олиб очиб, полга тўкдик. Ҳаммамиз қотиб қолдик. Унинг бунча пул йиққанини хаёлимга ҳам келтирмагандим, қўрқиб кетдим. Ҳаммасини тасвирга олгач Бахтиёр билан катта хонага қайтдик. У "Келишайлик, ҳаммамизга етади бу пул”, деди. Мен эса "Яхши, келишамиз, аммо, менга ўзимни молимни қайтарасиз, менга пул керакмас”, дедим. Бахтиёр "Яхши, камерани энди ўчирсин, иккаламиз гаплашайлик”, деди. Менга ҳам режа бўйича унинг шу таклифи керак эди. Йигитларга чиқиб туринглар дегандай имо қилдим. Биз бу борада олдиндан келишиб олгандик, уларга «Чиқиб туринглар” деган команда берилиши, бу тезлик билан кассетани нусхалаштириш керак дегани эди. Шунинг учун иккита камера олиб келгандик. Бахтиёр эса буни кўрмаганди. Бир йигитим ошхонада видео тасмани нусхалаштиришга киришди. Ҳожатхонадаги аёлни чиқардик, йигитлар пулларни ўша аёл кўригида қайтадан чемодонларга жойлашди. Мен эса Бахтиёр билан келишувга ўтирдим. (Давоми бор) | |
|
| |
| Всего комментариев: 0 | |